係我睇来呢，呢位同学可以改变下自己嘅想法。

首先呢，唔好太focus係有无人钟意自己嘅呢个问题。因为呢，可能会有，但係你自己唔知，或者无，只不过係时间嘅问题。

同埋，你觉得自己忙，你可以将呢个时间段作为充实你自己丰富自己内心嘅一个过程，咁样谂下，你可以成为更加好嘅自己，令你遇到适合自己嘅人嘅几率会更加大。

不过我唔係话成为更加好嘅自己就一定可以遇到适合自己嘅人，因为有时唔係做咗就一定会有结果呢种逻辑关系啦。

再讲，你话见到朋友拍拖好羡慕，我个人都几明白呢种感受，成个人都会觉得好浮躁，内心好躁动。觉得，“哇~我都想拍拖啊！”咁样。

但係你都可以咁谂喔，你作为一个旁观者，你会观察到呢对情侣成日会发生乜小摩擦小矛盾啊，就当帮自己上堂课，为以后恋爱点样去避免诸如此类嘅矛盾做准备。

最后一样，你话自己未遇到适合嘅人，其实你自己都应该知道要做d乜嘢。既然你知道自己係想点，就要更加make sure唔好因为想拍拖而拍拖，对自己嘅原则选择折衷。

我觉得其实拍拖只不过係每个人生活中嘅调料，让我哋生活某方面更加精彩，更加开心。但係唔係意味住，唔拍拖，我哋生活会好无味。因为我觉得单身都可以活得好精彩啊。

你可以成日去旅游啊，搜寻下身边有乜有趣味嘅事啊，储存更加多嘅见解同阅历。他日遇到你嘅Mr. Right，呢d都可以变成一个好好倾嘅话题，令对方了解你。

这个阶段来讲，最重要过好你宜家眼前嘅生活，充实自己，唔好将拍拖变成上大学嘅一个目标或者任务，一定要达成，因为上大学唔係一定要拍拖喔，又唔係要挪学分。

而且如果大学里面无适合自己嘅人，话唔定出咗大学係职场会有呢？唔好比自己咁大pressure，就唔会有咁强烈嘅失落感同失落la。

咁样你会更加开心，少d烦恼。

希望我的话能够帮到你同埋有相同烦恼嘅朋友，可以开解到你哋。